१०वीतल्या विद्यार्थिनीवर शिक्षकाकडूनच बलात्कार, 'असा' झाला धक्कादायक खुलासा

 

१०वीतल्या विद्यार्थिनीवर शिक्षकाकडूनच बलात्कार, 'असा' झाला धक्कादायक खुलासा

उस्मानाबाद : उस्मानाबाद जिल्ह्यात शिक्षकी पेशाला काळीमा फासणारी घटना घडली आहे. दहावीत शिकणाऱ्या अल्पवयीन विद्यार्थिनीवर शाळेतील शिक्षकानेच लैंगिक अत्याचार केल्याचं उघड झालं असून गेले अनेक दिवस हा शिक्षक या मुलीवर लैंगिक अत्याचार करत होता. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.
मिळालेल्या माहितीनुसार, या घटनेच पीडित तरुणी दोन महिन्याची गर्भवती राहिली आहे. ती गाडीवर प्रवास करत असताना मुलीला अचानक रक्तस्रावाचा त्रास झाला. घरच्यांनी तिला उपचारासाठी उस्मानाबाद येथील महिला रुग्णालयात दाखल केले असता मुलगी दोन महिन्याची गर्भवती असल्याचे उघड झाले. त्यातून हा प्रकार उघडकीस आला.

    स्वतः मुलीनेच या नराधम शिक्षकाविरोधात जबाब दिला व या जबाबनुसार कळंब पोलिसात या नराधम शिक्षका विरोधात पोक्सो व बलात्कार कायद्या अंतर्गत गुन्हा दाखल झाला असून आरोपीस पोलीसांनी ताब्यात घेत कोर्टात हजर केले असता आरोपीला दोन दिवसांची पोलीस कस्टडी सुनावण्यात आली आहे. दरम्यान, कळंब शहरात ग्रामीण भागातील मुली शिक्षणासाठी येत असतात. शिक्षकानेच हे कृत्य केल्याने पालकांमध्ये भीतीचे वातावरण निर्माण झाले आहे.