'त्याने सेक्स करावं आणि व्यसनं करावी', शाहरुखची मुलासाठीची इच्छा ऐकून सगळे झाले चकीत

 मुंबई- बॉलिवूडचा किंग शाहरुख खान आज सिनेसृष्टीवर राज्य करत आहे. संपूर्ण जगभरात शाहरुखचे चाहते आहेत. आपल्या अभिनयासाठी लोकप्रिय असणारा शाहरुख त्याच्या हजरजबाबीपणा आणि मुद्देसूद बोलण्यासाठीही चाहत्यांमध्ये प्रसिद्ध आहे. परंतु, एका मुलाखतीत शाहरुखने त्याच्या मुलासाठी व्यक्त केलेली इच्छा ऐकून सगळेच चकीत झाले होते. मुलाखतीत शाहरुखने त्याच्या मुलासाठी अशी इच्छा बोलून दाखवली होती ज्याचा इतर कुणी विचारही करू शकत नाहीत. आपण तरुणपणी न करू शकलेली सगळी मजा आर्यनने करावी अशी शाहरुखची इच्छा होती.

    सिमी ग्रेवालच्या कार्यक्रमात शाहरुखने लावली होती हजेरी

१९९७ साली शाहरुख त्याची पत्नी गौरी खान सोबत सिमी ग्रेवालच्या कार्यक्रमात पोहोचला होता. या मुलाखतीच्या काही दिवसांपूर्वीच गौरीने आर्यनला जन्म दिला होता. या मुलाखतीत सिमी यांनी शाहरुख आणि गौरीला त्यांच्या मुलाबद्दलही प्रश्न विचारले. सिमी यांनी शाहरुखला विचारलं तुम्ही आर्यनचं पालन पोषण कसं करणार आहात? यावर उत्तर देताना शाहरुख म्हणाला, आर्यनने ते सर्व करावं जे मला माझ्या बालपणी आणि तरुणपणी करावसं वाटत होतं. अशा बऱ्याच गोष्टी आहेत ज्या मला करायच्या होत्या. पण मी त्या नाही करू शकलो कारण माझ्याकडे तेवढे पैसे नव्हते किंवा सुविधा नव्हत्या.'

सेक्स आणि अंमली पदार्थांचं करावं सेवन

पुढे शाहरुख म्हणाला, 'जेव्हा आर्यन ३ ते ४ वर्षांचा होईल तेव्हा मी त्याला सांगेन की त्याने मुलींच्या मागे जावं. तो मुली फिरवू शकतो, सेक्स करू शकतो, अंमली पदार्थांचं सेवन करू शकतो आणि त्याच्या मनाला येईल ते करू शकतो. मला वाटतं की माझ्यासोबत काम करणारे लोक ज्यांच्या मुली आहेत, त्यांनी माझ्याकडे येऊन आर्यनची तक्रार करावी.' शाहरुखच्या या वक्तव्याने तिथे उपस्थित सगळेच अवाक झाले होते. आर्यनने त्याचं पदवीपर्यंतचं शिक्षण पूर्ण केलं आहे. परंतु, त्याच्या बॉलिवूड पदार्पणाबद्दल अजून कोणतीही माहिती समोर आलेली नाही.