नव-याने पोटावर बुक्की मारली कारण पोटातलं बाळ मरावं, मग फातिमाने घटस्फोट घेतला आणि कमावले तब्बल 30 लाख रूपये..

या जगात आईपेक्षा मोठी शक्ती कोणतीच नाही हे म्हणतात ना ते अगदी खरी आहे. कारण ही गोष्ट सिद्ध करणारी एक अशी घटना घडली आहे जी समस्त स्त्री वर्गासाठी प्रेरणादायी आहे. एका स्त्रीने आणि एका आईने जी गोष्ट करून दाखवली आहे ती खरंच अविश्वसनीय आणि कौतुकास्पद आहे व आपल्या मुलासाठी आई कोणत्या थराला जाऊ शकते याचे हे एक मूर्तीमंत उदाहरण आहे. ही घटना आहे कोलकाता मधील जिथे एका स्त्रीने हा विचार करून लग्न केले होते की तिला आयुष्यभर जपणारा आणि प्रेम करणारा नवरा मिळाला आहे.

पण पुढे जाऊन मात्र तिचे संपुर्ण आयुष्य त्याच व्यक्तीने नरक बनवून टाकले. मात्र अशा स्थितीत सुद्धा पोटातील बाळाला घेऊन ती लढली आणि त्यातून बाहेर पडत तिने स्वत:च्या पायावर एक व्यवसाय उभा करून दाखवला आणि त्यातून तब्बल 30 लाखांची कमाई देखील केली. (सर्व फोटोज : storiesofhustle)

इतरांनी दिला होता धोक्याचा इशारा

फातिमाने आपल्या इंस्टाग्राम पेजवर आपली ही पूर्ण कहाणी शेअर केली. तिने सांगितले की कशा प्रकारे 2019 साली तिची आपल्या पतीशी ओळख झाली होती आणि तिला सतत असेच वाटत होते की तिला तिचा स्वप्नांचा राजकुमार मिळाला आहे. मात्र तिची ही आशा भोळी भाबडी असल्याचे तिला अनेकांनी सांगितले होते. जवळच्या अनेक व्यक्तींनी तिला इशारा देखील दिला होता. मात्र तिने त्या कोणाचेच न ऐकता त्याच्यार विश्वास ठेवला. त्याच्या बोलण्याला ती भुलली आणि लग्नाच्या काही काळानंतरच तिला आपल्या चुकीची जाणीव झाली.

त्याने दाखवला आपला खरा चेहरा

लग्नानंतर तिच्या पतीने हळूहळू तिला तिच्या जवळच्या लोकांपसून तोडायला सुरुवात केली. त्याचा राग वाढत चालला. काही झालं तरी तो त्यासाठी फातिमा आणि तिच्या घरच्यांना दोषी धरायचा. काही महिन्यांनी कोरोनामुळे लॉकडाऊन लागला आणि या काळातच फातिमाला गुड न्यूज मिळाली. ती आई होणार होती. मात्र तिच्या पतीला ही गोष्ट कळताच जणू त्याच्यातील राक्षसच जागृत झाला आणि या स्थितीत आई होणारा म्हणून तो तिचा अजून राग करू लागला. तिला शिव्या घालू लागला, मारहाण करू लागला.

जीव घेण्याचा केला प्रयत्न

दिवसागणिक गोष्टी खराब होऊ लागल्या. फातिमाच्या नरकयातना अजून जास्त वाढू लागल्या. तिच्या पतीने तिच्यावर शारीरिक अत्याचार करायला देखील सुरुवात केली. तो खूप मारझोड करायचा. एकदातर त्याने तिच्यावर गरम कॉफी ओतली. एकदा भांडणावेळी त्याने ती गरोदर असताना तिच्या पोटावर बुक्की मारली. जणू तो तिच्या बाळाचा आणि तिचा देखील जीव घेण्याचा प्रयत्न करत होता. फातिमाच्या सासरचे देखील तिच्या मदतीला आले नाही. उलट तिला समजूतदारपणा दाखवायला सांगू लागले.

अखेर तिने घेतला निर्णय

जेव्हा गोष्टी सहन करण्यापलीकडे गेल्या आणि तिने आशा सोडली तेव्हा तिने एक ठाम निर्णय घेतला. सासरचे मदत करत नाही हे पाहून तिने बाहेरून मदत मागायला सुरुवात केली. तिने एका डॉक्टरकडून सल्ला घेतला तेव्हा त्याने तिला ती प्रवास करू शकते असे सांगितले. फातिमाला देखील यातून बाहेर पडायचे होते. तिचे प्रयत्न सुरु झाले. तिने पती विरोधात ऑनलाईन तक्रार देखील केली. फातिमा निघून जाण्याचा प्रयत्न करते आहे ही गोष्ट तिच्या पतीला कळताच त्याने तिला घरात डांबून ठेवण्याचा प्रयत्न केला. तिचे जेवण बंद केले.

अखेर सुटका झाली

अशा स्थितीत फातिमाने सर्व आशा सोडल्या होत्या. मात्र तिची स्थिती पाहून एका कॅब ड्रायव्हरने तिला मदत करण्याचे आश्वासन दिले आणि बाल्कनी मधून हळूच बाहेर पडून ती त्या नरकातून सुटली. तिचे सासर बंगळूर मध्ये होते. तिला आता माहेरी कोलकाता येथे पोहोचण्यासाठी विमान प्रवास करावा लागणार होता. तिने कशीबशी जुळवाजुळव केली आणि माहेरी पोहोचताच प्रथम आपल्या पतीला तलाक दिला. पण आता तिच्यावर आपल्या मुलीची जबाबदारी देखील होती. तिला काहीही करून स्वत:च्या पायावर उभे राहणे भाग होते.

एका वर्षात कमावले 30 लाख

फातिमाकडे केक आणि पेस्ट्री बनवण्याचे कौशल्य होते आणि हळूहळू तिने त्या व्यवसायात उडी घेतली. बघता बघता फातिमाचे केक आणि पेस्ट्री हिट झाले. ऑर्डर्सचा जणू पाउस सुरु झाला. तिला तिच्या घरच्यांनी आणि जवळच्या व्यक्तींनी खूप सपोर्ट दिला. यातूनच तिने पहिल्याच वर्षात तब्बल 30 लाखांची कमाई केली. तिला हे सगळं करण्याची प्रेरणा आपल्या मुलीकडून मिळाली. आपल्या मुलीच्या भविष्यासाठी तिने एक मोठे पाऊल उचलले आणि त्यात यशस्वी होऊन दाखवले. फातिमाची ही कहाणी खरंच सर्व स्त्रियांसाठी प्रेरणादायी आहेत.