जागतिक बाजारपेठेत कच्च्या तेलाचे दर वधारल्याच्या पार्श्‍वभूमीवर सार्वजनिक क्षेत्रातील तेल कंपन्यांनी गुरुवारी इंधन दरात (petrol and diesel) वाढ केली. सलग दोन दिवस विश्रांती देण्यात आल्यानंतर ही वाढ करण्यात आली आहे.
पेट्रोल आणि डिझेल दरात झालेली वाढ प्रत्येकी 35 पैशांची आहे. ताज्या दरवाढीनंतर देशाची आर्थिक राजधानी मुंबईमध्ये पेट्रोलचे प्रतिलिटरचे दर 110.75 रुपयांवर गेले आहेत तर डिझेलचे दर 101.40 रुपयांवर गेले आहेत.
जगभरात सध्या इंधन आणि ऊर्जा संकट (petrol and diesel) निर्माण झालेले आहे. याच्या परिणामी कच्च्या तेलाची मागणी वाढली आहे. दुसरीकडे तेल उत्पादक राष्ट्रांची संघटना असलेल्या ओपेकने कच्च्या तेलाच्या उत्पादनात वाढ करण्यास नकार दिला आहे. यामुळे क्रूड ब्रेंट क्रूड तेलाचे प्रतिबॅरलचे दर 84 डॉलर्सवर पोहोचले आहेत.
No comments:
Post a Comment