सेवानिवृत्त सैनिकांचा लातुरात भव्य सत्कार संपन्न
लातूर- भारतीय थल सेनादलातील महार रेजिमेंट-आठ महार रेजिमेंट मधील सेवानिवृत्त लान्स नाईक विनोद कांबळे, धर्मेंद्र माने, विजय शितोळे या सेवानिवृत्त सैनिकांचा सहकुटुंब सत्कार सोहळा पार पडला. संविधान चौक ते सैनिकी पुरी त्यांच्या निवासस्थानापर्यंत ढोल ताशाच्या गजरात वाजत गाजत रॅली काढून मोठ्या थाटामाटात संपन्न झाला.
या रॅलीमध्ये कपिल नगर, प्रकाश नगर मधील नागरिकांनी सहभाग घेऊन तिन्ही सैनिकावर फुलांचा वर्षाव करून त्यांचे स्वागत केले. या कार्यक्रमाच्या अध्यक्षस्थानी मेजर हालसे हे होते तर प्रमुख पाहुणे म्हणून माजी खासदार सुनील गायकवाड, युवा नेते गणेश देशमुख, सामाजिक कार्यकर्ते अशोक देडे,राज्य कास्ट्राईब संघटनेचे सचिव यु.डी. गायकवाड, जि.प.चे माजी समाज कल्याण सभापती बालाजी कांबळे, बाबासाहेब साबळे आदींची प्रमुख उपस्थिती होती.
देशाच्या संरक्षणासाठी जीवाची बाजी लावणाऱ्या या सैनिकांचा सत्कार पाण्यासाठी या नगरातील युवक व महिला भगिनी मोठ्या संख्येने उपस्थित होते.
No comments:
Post a Comment